الرئيسية
يا مصر قومي وشدي الحيل
دي مش مظاهرة دي ثورة جيل
على اللي خانوا وداسو الخلق
على الحرامي والدلاديل
ولاد يناير فل وورد
ع الظلمة خرجوا وكان الرد
حالفين لياخدوا بتارك منهم
ويطردوهم شر الطرد
عصابة حابسة ف انفاسك
وحزبهم خانك داسك
سرقوا من عينك كحلك
والأسم حامي وحراسك !
يا مصر يا ما فاض الكيل
ياما صبرتي ودقنا الويل
والكلب بيرَقَص ديله
شاهر سلاحه فوق الخيل
وكأنه فارس م الفرسان
مع انه ندل خسيس وجبان
مسعور على أرضك يرمح
مأجور بعضمة م السلطان
كلاب بتشغي ف حواريكي
لكن شبابك يحميكي
ياما عشانك شال الهم
بالدم والروح يفديكي
يا مصر قولي بعلو الصوت
إن الكرامة مش بالقوت
والحق راجع لصحابه
بثورة حرة .. حياة أو موت
تنحى الطاغية
بإرادة الأحرار
سقط الخونة وصمت السفهاء
مبروك لمصر
