الرئيسية
في الثوره 25 يناير
مين اللي يِنْسَى مصر البشاير في الثَّوْره خمسه وْعشرين يناير؟!
تُشرُق بهمسه حُرَّه مآنسه
من التوانسه ونيلها ثاير
يغلي بنار الثوار حراير
بامطار تليّل ع الجور ستاير
من التوانسه ونيلها ثاير
يغلي بنار الثوار حراير
بامطار تليّل ع الجور ستاير
ماشا الله خمسه وعَلَمْها طاير
في إدين تلامذه وشبابها ساير
والنسر صحَّى الجموع وضحَّى
بيقول بفرْحه: "دانا اللي طاير"
في إدين تلامذه وشبابها ساير
والنسر صحَّى الجموع وضحَّى
بيقول بفرْحه: "دانا اللي طاير"
مين اللي يِنْسَى مصر البشاير في الثوره خمسه وْعشرين يناير؟!
حالِف في قِــبْلي .. وبـَحَري داير:
"لــتِنْكِتِــبْـلي .. حالَّه الضفاير"
والدم ساقي عزْم السواقي
والشعْب باقي والطاغي غاير
"لــتِنْكِتِــبْـلي .. حالَّه الضفاير"
والدم ساقي عزْم السواقي
والشعْب باقي والطاغي غاير
شعب المقابر لَوْ قام لُو دِيّه
في سجون عنابر أحلام عادِيّه!!
هيعيش وصابر لَوْ لُه قضِيَّه
وجاع ونام حتَّى ع الحصاير
في سجون عنابر أحلام عادِيّه!!
هيعيش وصابر لَوْ لُه قضِيَّه
وجاع ونام حتَّى ع الحصاير
مين اللي ينسَى مصر البشاير في الثوره خمسه وْعشرين يناير؟!
منهوبه روحنا ثرَواتنا نوحْنا
مالنا وطموحنا تحت البصاير
دي عصابه كارثه لوَطَــنّا وارثه
بتخونَّا وِتْــ ..بِيعنا نَساير
مالنا وطموحنا تحت البصاير
دي عصابه كارثه لوَطَــنّا وارثه
بتخونَّا وِتْــ ..بِيعنا نَساير
دي الخانسه .. صِبْرِت علي الخساير
عصور وقِدْرِت علَى كُلّ جاير
وتارها تارنا ربَّك فَطَرنا
ناخد قَدَرنا م اللي يعاير
عصور وقِدْرِت علَى كُلّ جاير
وتارها تارنا ربَّك فَطَرنا
ناخد قَدَرنا م اللي يعاير
مين اللي ينسَى مصر البشاير في الثوره خمسه وْعشرين يناير؟!
نَــبُّوت وسُل ورصاص وذُل
والموت لكُلّ تفكير مُغاير!
دا الظلْم سوء مهْما يسوق
سوقُه فْ ميدان الكرامه باير
والموت لكُلّ تفكير مُغاير!
دا الظلْم سوء مهْما يسوق
سوقُه فْ ميدان الكرامه باير
قتل الخليقه أكبر الكباير
حُكَّام جريئه بس ع السراير
واللي ما بِــيْـــ..شوفوش الحريقه
يبقو الحقيقه عُمْي وْضراير
حُكَّام جريئه بس ع السراير
واللي ما بِــيْـــ..شوفوش الحريقه
يبقو الحقيقه عُمْي وْضراير
مين اللي ينسَى مصر البشاير في الثوره خمسه وْعشرين يناير؟!
(حَدَّاد) فَتَح م الكِفاح شكاير
شــيِّد بو (بيرَم) وِ(جاهين) عماير
والكون نَزَف فَن .. شِعْر وأدب عَن
الحقّ والحُريّـه أصْل الـمَعاير
شــيِّد بو (بيرَم) وِ(جاهين) عماير
والكون نَزَف فَن .. شِعْر وأدب عَن
الحقّ والحُريّـه أصْل الـمَعاير
يامصر يامُّ العلوم ذخاير
والحِكْمَه والفكر والمناير
الشعب ليكي هُوّا واليكي
وجُنْد يـِحْميكي م اللي غاير
والحِكْمَه والفكر والمناير
الشعب ليكي هُوّا واليكي
وجُنْد يـِحْميكي م اللي غاير
مين اللي ينسَى مصر البشاير .. في الثوره خمسه وْعشرين يناير؟!
وِوطن سامِعْها في ماجميعها
وبماوجِعْها يسْري وْيِساير
يا شعوب يا وِحْده إيه السلاح ده؟!
انتفاضه واحده تِـحْيِي الضماير!
وبماوجِعْها يسْري وْيِساير
يا شعوب يا وِحْده إيه السلاح ده؟!
انتفاضه واحده تِـحْيِي الضماير!
من الكويت نمشي للجزاير
من غير حواجز بين العشاير
والشعب جَدِّد الرُّوح .. وهَدِّد
هوَّا اللي بــيْحَدِّد المصاير
من غير حواجز بين العشاير
والشعب جَدِّد الرُّوح .. وهَدِّد
هوَّا اللي بــيْحَدِّد المصاير
مين اللي يِنْسَى مصر البشاير؟
