محتاجه ارائكم

لو سمحتوا يا جماعه انا بعمل تحقيق عن نوعية البرامج والشيوخ اللى بيتفرج عليها الشباب
انا بأى هطرح عليكو اسئله عشان اقدر اعمله وياريت تجاوبونى عليها انا عارفه ان ده اكيد هيبقى بعد الامتحانات بس نظرا لاحتمال عدم تواجدى فى الاجازه
انا هقول الاسئله دلوقتى وانتو تجاوبوا براحتكم بأى ماشى
اولا:هل بتخصص وقت فى اليوم لمتاعبة البرامج والقنوات الدينيه؟
ثانيا:لو كنت ناوى تتفرج هل بتتفرج على كل الشيوخ ولا نوعيه محدده؟
هل طريقة بعض الشيوخ المتعصبين تفيد فئه محدده؟
ياريت الاقى ردود سريعه وتفصيليه ياجماعه ان شاء الله
انا عارفه ان انتو ان شاء الله هتفدونى عشان اقدر اعمله وانزله فى قسم التحقيقات اللى ADMINهتعملوا لينا ان شاء الله

اولا:هل بتخصص وقت فى اليوم لمتاعبة البرامج والقنوات الدينيه؟
لا الصراحة كنت زمان من سنتين من قبل ما يقفلو قنوات الاسلامية اما حاليا لاء ممكن كورة كل فين وفين ومش كل الماتشات الفرق الكبيره بس اما غير كده مش بشوف التلفزيون خالص ..
ثانيا:لو كنت ناوى تتفرج هل بتتفرج على كل الشيوخ ولا نوعيه محدده؟
لا مش لازم بتفرج علي الافضل اصل في شيوخ كده بتشد الواحد وبيجبره علي انه يكمل مشاهدة وفي طبعا غير كده ..انا كنت ملتزم اوي فكنت ديما بعترض علي كلام منهم اصل في فيهم مش كويسين .. بس طبعا الشيوخ المميزين زي محمد حسان طبعا
هل طريقة بعض الشيوخ المتعصبين تفيد فئه محدده؟
لاء طبعا كلهم بيدعو لمصلحة واحده وهي لدين الاسلامي في منهم متطرفين دول بقي مش لينا عوة بيهم
ياريت الاقى ردود سريعه وتفصيليه ياجماعه ان شاء الله
انا عارفه ان انتو ان شاء الله هتفدونى عشان اقدر اعمله وانزله فى قسم التحقيقات اللى ADMINهتعملوا لينا ان شاء الله

مش عارف انا جاوبت علي الاسئلة صح ولالا بس هو ده من اللي فهمته من الاسئلة

مش مهم الردود صح ولا لا يا جماعة المهم تكون بتجاوب بصراحة وعلى حسب الى فهمتوا
اما عنى انا مش وقت محدد الى بسمع فى البرامج الدينية ،لا بس بكون لازم اسمع خلال اليوم طبعا
انا لما بتفرج بحب انى اتفرج على محمد حسان طبعا ،ومحمود المصرى ،عمرو خالد ،مصطفى حسنى ،واحيانا اخرى بتفرج على اى حد انا معرفهوش وممكن استفاد منه
لا طبعا عمر مكان التعصب بيفيد ،والشيخ الى بيتكلم بتعصب بيبعد عنه فئات كثيرة واولهم الشباب وبيقولوا انت متعصب ليه يا عم
وكمان لان الدين يسر ،والدعوة ليه لازم تكون بيسر وبدون تعصب "ولا اكراه فى الدين "وبعدين هو فى احسن من الرسول صلى الله عليه وسلم لما كان بيدعى للاسلام عمره ما كان بيدعو بالتعصب
وانا شخصيا مش بقتنع باى شيخ او امام يكلمنى بعصبية لانى مش هقتنع وهعتقد انه مش واثق فى معلوماته
المفروض انك عايزة البيانات انسه رحاب ولا مش مهم

بصى ياحوبه انا بئى لازم اسمع قناه ازهرى وبالأخص رمضان عبد المعز فى اى وقت فى اليوم وسعات مش بقلب بتبقى طول اليوم شغاله وحتى لو قلبت بيبقى على برامج التوك شو اواى قنوات اخباريه ولو مش كده بيبقى على اسبيس تون او توم وجيرى ....................................................................انا مش بحدد شيوخ موعينين بس طبعا بيأثر فيا عمرو خالد ومصطفى حسنى ومحمود المصرى وصفوت حجازى ..........................................بالنسبه لعصبيه بعض الشيوخ انا بتفق مع سومة لأن انا مكنتش بحب اسمع حسين يعقوب اوحازم شومان لعصبيتهم وايضا ايمن صيدح بحس انى كافره اعوذب بالله

ميرسى جدا لكل اللى جاوبوا ومستنيه الباقيين ان شاء الله
لان التحقيق محتاج اراء كتيييييير
بس فى ملحوظه(انا بالنسبه للشيوخ اللى كنت بقول انهم هل بيفيدوا فئه معينه انا عارفه انهم كلهم بيدعوا للاسلام بس انا اعتراضى عن نفسى يعنى على العصبيه )وعالعموم انا هكتب رأيى فى الاخر لانه من حقى انى اقوله بس فى الاخر عشان ما اوجهش الردود او يبقى فى تأثير منى يعنى