اجب عن سؤال من قبلك واترك سؤال لمن ياتي بعدك

بتمنى كل الاعضاء اكيد لان كل واحد ليه مميزاته
ولان لما كل بيبقى موجود التفاعل ف الموضوع هيكون اكتر
سؤالى مين اكتر عضو بتحب تتناقش معاه وبتحب ردودة ؟

اخجلتم تواضعنا يابحر وانت بردو من الاعضاء الي بحب اناكف معاهم
اشرح يومي بالتفضيل ياربي عليك وبالتفصيل كمان
اممممممممم انا اصلا لسه بقول ياهادي وببتدي اليوم اهوه صحيت الساعه 7 الصبح
فطرت وكده وخرجت روحت الشغل واكيد المدير هيجي يرخم بشغل بس علي مين
وبكده يكون ده اول اليوم لسه بقا فاضل الجزء التاني من اليوم
انتظـــــــــــرونـــــا SOON
الي بعدي ...........


اممممممممم ايه اكتر اكله بتحبها موووت

هدفى فى الحياه اخلص دراسه واشتغل وفى نفس الوقت اعمل بزينس خاص ليا علشان لوشأت الظروف انى اققعد فى البيت محدش يصرف عليا ده كله هدف واحد ...................هل قابلت احد وتعرضت للخيانه من قبلوه؟؟؟ بكل صراحه

هل قابلت احد وتعرضت للخيانه من قبلوه؟؟؟ بكل صراحه

طبعا كتيييييييير

سؤالي

انت حبيت بجد واذا كنت بتحب احكيلنا عن حبك واذا كنت مش بتحب ونفسك تحب ولالا وايه رايك في الحب ...!!!

أولا جزاك الله كل خير على التجربة الحلوة دى
ثانيا شكرا ليك وانت كمان من الأعضاء اللى انا فعلا باعتز بمعرفتى بيه وبكلامى معاه
اما الاجابة على السؤال فهى كالتالى:

أنا هامشى بالعكس وابدا أجاوب من الآخر فرأى فى الحب انه احساس جميل رقيق
ماحدش يعرف يوصفه الا اللى عاشه
بالنسبة لى فأنالسه صراحة ما حبيتش لكن أعجبت بناس كتير سواء من البنات او الأولاد
أما بالنسبة لسؤال نفسى أحب فده أكيد لكن قبل كده لازم أتأكد ان الانسان اللى انا هاحبه
ده لازم يكون فيه مواصفات اتمنى من الله انها تكون فيه ذى التدين وانه يساعدنى على تحقيق احلامى
بل بالعكس لو شاف منى تقصير هو اللى يدفعنى وينبهنى انى انا ما ينفعش اقصر عايزة حد يكون فاهم انى
حياتى وحياته تعتبر حياة واحدة لكن بيشترك فيها شخصين
نفسى يكون الشخص اللى امى علمتنى علشانه حديث

النبى صلى الله عليه وسلم "لو امرت المراة ان تسجد لغير الله لأمرتها أن تسجد لزوجها"
صدق رسول الله صلى الله عليه وسلم

سؤالى لمن ياتى بعدى:ما هو اصعب موقف مررت به ؟وكيف تخطيته؟

انا هجاوب عالسؤال دا :واقولك مواقف كتير مرت عليا كانت صعبة
بس هقولك اخر موقف وهو ان فى بعض الناس وللاسف اعرفهم قالوا كلام فى حقى
مش مظبوط او اقل من انه حد يقولوا عليا الحقيقة انا ادايقت جدا خصوصا لما يكون الناس دى عرفاكى كويس وعارفة سلوكك ايه وتصرفاتك ازاى
تخطيته الاول ادايقت جدا وزعلت اخر حاجة ،بس بعد كدة قلت خلاص الى عايز يقول حاجة يقولها
والى يتكلم يتكلم وطالما انا مش بعمل حاجة تغضب ربنا اولا ،وضد مبادئ ثانيا يبقى هعمل الى انا عايزاه بس يكون فى احترامى لنفسى الاول ،وباسلوبى وطريقتى هافرض الاحترام وانهم يحترمونى على كل الى بيعاملنى

سؤالى للى بعدى مين مثلك الاعلى او قدوتك فى عائلتك ،او فى اى وسط من الاوساط الفنية او الاعلامية او الرياضية او الدينية
واسباب اختيارك

انا حدخل فى الأجابه على طول مثلى الأعلى هو خالى حبيبى
اسباب اختيارى بقى انه انسان اجتماعى جدا وليه اصدقاء فى كل مكان يروحوا
انسان خالوق جدا مبيدخلش فى شئون الغير مبيحبش يتكلم عن حد فى غيابه
اذا حد طلب مساعدته فى حاجه بيساعده بدون كلل اوملل
كان نفسوا يدخل ثانوى عام ولكن الظروف كانت ضدوه
ودخل صنايع مش عيب بس هو كان عنده طموح وسافر للخارج
وكون نفسوا ورجع بعد 7سنين عمل مشاريع ورجع كمل تعليموا حاليا هو بالفرقه الرابعه بكليه التجاره
ومش كده وبس لا طموحوا وصلوا انه اترشح لعضويه مجلس الشعب ودخل إعاده من اول مره يترشح فيها
ولكن للأسف كان مستقل عن الحزب الوطنى فلازم إيلى ينجح ابن الحكومه
يعنى اقدر اقول عليه انسان عصامى بنا نفسه بنفسه


انا طولت عليكوا كتير بس هو مثلى الأعلى واتمنى الاقى انسان مثله
نسيت السؤال
لوكنت ابن للريس او كنتى زوجه لأبن من ابناء الريس كنتى .كنت هتتصرف ازااااى؟؟؟..