ليه كل حاجه حلوه عمرها قصيـــر

ليه مانعملش كل حاجه في الدنيا صح انت ربنا مديك صحه وعافيه وراحه ولو دعيتو يستجيب وانت العبد لا متعملش الي مطلوب منك وانا اولكم
وفي كتير من النوعيه دي بس بنضحك علي نفسنا علي فكره ايه فيه لو الواحد كسب الدنيا والاخره بعد الامتحانات ساعه لربك
وساعه علي النت ساعه العب كوره بس اعمل الي عليك
وربنا يهدينا كلنا

والله الموضوع ده شائك جدا والكلام فيه كتييييييييير أوى بس انا اختصرت على اد ما اقدر
اولا/فى اغنية بتقول (شيل الدين من الدنيا هيتحول فى ثوانى لغابه بس ازاى الناس هتقرب لو شايفينه كآبه)يعنى فى ناس كتير بتخاف او بتبقى شايفه انها لو التزمت شويه هتبقى مكتئبه ومش هيبقى فى حاجه تفرحهم ويعقد يفكر ازاى مش هقدر اسمع اغانى ولا اتفرج عالتليفزيون (وبالنسبة للبنات اكيد اول حاجه بيفكروا فيها اللبس)
ثانيا الناس دول هما بردوا اللى اول ما بيتعرضوا لازمه او مرض او يشوفوا حد عزيز مات يبدأوا يفكروا تانى فى ربنا والاخره فبيحاولوا يلتزموا لكن ده مش بيقى من ايمان جواهم بيتهيقلى يعنى ولكن مجرد خوف من الموقف اللى حصل بس فأول ما بيلاقوا فرصه بيرجعوا تانى خصوصا لو مالاقاش جنبه اللى يشجعه على الخطوه دى
ثالثا فى ناس كتير بتنظر للملتزم على انه معقدبيفتكرواانه مش بتاع هزار وكده يعنى ويبدأو يتريقوا على لغته اللى بتكون عربيه بحكم قراءة القرآن الكريم
يعنى دى ابرز الحاجات اللى بلاحظها واللى عن نفسى شفتها عن قرب جدا
وفى النهايه انا شايفه ان الحل ان احنا نحاول نورى للناس الجانب الحلو فى دينا ونوضح انه فى فرح بردوا وانه مش كآبه ولاحاجه

ليه ممكن اى واحد منا يفتح التلفزيون لو شاف قناة دينيه بيقلب عنها بسرعه)
انا احيانا بعمل الموضوع ده لانى بيكون فى شيوخ يعنى بعض منهم طريققته فى الكلام بتبقى زعيق وتخويف والواحد بيحس انه مهما عمل هيروح النار
وان خلاص هموت دلوقتى وانا كافره بالرغم من ان دينا دين يتميز ان الرسول صلى الله عليه وسلم )دعا اليه بالحسنى والتحبيب مش التنفير
لكن فى شيوخ تانى او دعاه بتبقى ليهم طريقه تشجع الواحد على انه ياخد الخطوه دى
فربنا يهدينا جميعا واتمنى تكون وجهة نظرى وصلت

كلامك صح وانا عن نفسي بعمل كل ده ومش كل شيخ هاسمعلو واغلبيه الي المتشددين في الدين مينفعش الواحد يسمعلو
الدين يسر وليس عسر

بالظبط انا مثلا بتابع بأستمرار قناه ازهرى حبا فى الجندى ورمضان عبدالمعز وسالم ابوالفتوح بحس انهم وسط مش متزمتين كنت بتابع قنوات زى الرحمه اوالناس بحس انى فى النار فى النار قناه ازهرى بدأت تستقطبت الشباب لأننابجد محتاجين توجيه احنا عدنا طاقات رهيبه لو اتوظفت حنبقا احسن الشعوب/بالنسبه لارمضان ده كويس اننا بنتقرب لربنا فى ظل الفتن الدراميه الرمضانيه/بالنسبه لنفسى فأنا مقله جدا ولوموت دلوقتى مش عارفه حقابل ربنا ازاى لمايسألنى عن كل نعمه عندى عملت بيها ايه وشكرتوا عليها قد ايه سبحان الله والله ياأخواتى بتجينى رسايل كتير اننا لوالتزمت بالصلاة وبصله الرحم ربناهيرضى عنى بتيجى الصحوه هنا وابدأ ادليت كل الأغانى ونجيب محفظ قرآن ونحفظ فجأه اطفش المحفظ وارجع الأغانى يمكن لحد دلوقتى طفشت ٣والغريبه ان انا إيلى بالح ع الحفظ بجد الواحد ضايع ومحتاج يتظبط وربنا هو الهادى

بالنسبه لخالد الجندى فده مش وسط ده فاككها عالاخر
انما معز ومصطفى حسنى وكده يعنى انا بحبهم اوى
اما بالنسبه لتطفيش المحفظين يا شوشو فدى طبيعه انسانيه فيكى يعنى مش تجيبيها فى حاجه تانى يعنى انا لو من المحفظين دول هشد شعرى منك من تانى يوم لكن هما والله على كده صبورين وبالنيبه لمصاحبتنا ليكى هه فكله بثوابه

والله ميرسي ياحرحوبه ياحبيبتى ربنا يديكى على قد محفظتك وياريت يعنى انتى بدلاعينى يبقى بأسم موقارب لأسمى بليز بليز