البنات مخلوقات عجيبة

ياجماعة انا عاوز اعرف رئيكم فى المقولة دة وياريت مفيش حد يفهم غلط ويزعل وخاااصة البنات

هههههههههههه
ربنا يهديهم
ناقصات عقل ودين

هههههههههههههههههه بس مهما كان يا اسلام ما نقدرش نعيش من غيرهم ولا ايه رايك

تعمل اي يا مان
سنة الحياة

السلام عليكم ورحمة الله وبركاته أخى العزيز محمد خليفه أنا أحب أقول لك رأيى فى المقولة اللى كنت ارسلتها المرأة هى الأم وهى الزوجة وهى الأخت وهى الخالة والعمة هى الدفئ الذى تلجأ اليه عندما تضيق الدنيا فان اول ما تفكر فيه هو اللجؤ الى اقربهن اليك سواء كانت امك او اختك او ايا من ذلك فالمرأة هى التى تتحمل وتعيش لكى تعطى فى اى موضع يضعها القدر فيه ثانيا كل ما تطلبه المرأة ليس شيئا صعبا او خيالى ولكن من السهل ارضائها فكل ما تطلبه هو ان يكون الرجل حازما فى الامور الجدية ولن يكون لينا وسهلا فى الأمور السهلة

اخى العزيز اسلام السلام عليكم ورحمة الله وبركاته عندما نتحدث فعلينا معرفة معنى ما نقول كل ما اريده منك هو الرجوع الى تفسير هذه الجملة فى الحديث الذى وردت فيه وستجد انها فى صالح المرأة لا عليها

السلام عليكم ورحمة الله وبركاته أخى العزيز محمد خليفه أنا أحب أقوللك رأيى فى المقولة اللى كنت ارسلتها المرأة هى الأم وهى الزوجة وهى الأختوهى الخالة والعمة هى الدفئ الذى تلجأ اليه عندما تضيق الدنيا فان اول ماتفكر فيه هو اللجؤ الى اقربهن اليك سواء كانت امك او اختك او ايا من ذلكفالمرأة هى التى تتحمل وتعيش لكى تعطى فى اى موضع يضعها القدر فيه ثانياكل ما تطلبه المرأة ليس شيئا صعبا او خيالى ولكن من السهل ارضائها فكل ماتطلبه هو ان يكون الرجل حازما فى الامور الجدية ولن يكون لينا وسهلا فىالأمور السهلة

اول مره اتفق مع حضرتك ...لان رد حضرتك جميل جداا اختي حبيبه
والموضوع ليس بجاد انه فكاهي مش اكتر هزار يعني

البنت اجمل مخلوق والدليل على كده انها موجودة فى كل بيت ومن الايعرف قمتهم فهو ليس انسانا[i]

ههههههههههههههه والدليل انهم موجودين فى كل بيت
ههههههههههههههههه
فعلا اقنعتنى
هههههههههههههههه

اكيد امى طبعا انا عارف كدة بس هو بيقولك الدليل انهم موجودين فى كل بيت مهو التلفزيون فى كل بيت
والتلاجة فى كل بيت فاهم انت
هههههههههه اقنعنى اقنعنى يعنىهههههههههههههه

ربنا يهدينا ويهديكم والراجل برضو موجود فى كل بيت وبصراحه لا غني عنه مين إيلى بينزل يجيب الطلبات ومين إيلى بيدفع وكمان مش ننسي ربنا قال فى كتابه الكريم ان كيدهن عظيم

ايون اصلى انا الصراحه الكلام ده مش عاجبنى خالص
ومش فاهمه ليه التريقه والتعميم يعنى ولا ايه يا منى
هه ما علينا

حوبه مش تزعلى زى محنا شايفين ان فيه اولاد تافهين ومش عندهم اي احساس بالمسؤليه وانهم عاله ع المجتمع ومبقاش لديهم أى احترام وتقدير وان دلوقتى فى بنات بمليون راجل ولله الحمد همه برضوا شايفين اننا مخلوقات عجيبه وبتاع ايه وابصر ليه هههههههه فكك

هههههههههههههههههههههههه ابدا والله مش بولعها انا بوضحلها انى معاها ومش معنا كده اننا نعمم لا برضوا اولاد رجاله بجد ونقدر نعتمد عليهم

مره بولعها ومره بسخنها ياعم بحر انا مش بوتوجاز صدقنى ههههههههههههههههههه انا عارفه انه هزار

ماشى يا منى بس احنا لما بنتكلم مش بنقول كل الشباب
ثم انى انا بتغاظ من استغلال الجمله بتاعة ناقصات عقل ودين اللي بتستخدم فى غير مكانها
وبردوا كلمة ان الرجال قوامون على النساء
مش عارفه ليه الكلام والتفسير بتاع الجملتين بيتحور

يا اخت حوبه بعد اذنك في ملحوظه صغيره
انتي بتقولي انا بتغاظ من " استغلال " الجمله بتاعة ناقصات عقل ودين
اللي بتستخدم في " غير مكانها " وبردو كلمة ان الرجال قوامون علي النساء
مش عارفه ليه الكلام والتفسير بتاع الجملتين " بيتحور "
اولاْ : مينفعش تقولي علي حديث قالو رسول الله صلي الله عليه وسلم
"النساء ناقصات عقل ودين" انها جمله بتستغل في غير مكانها
فعلا النساء ناقصات عقل ودين ولاسباب معروفه
فلنفرض مثلا ان هذه الجمله في غير مكانها . فلماذا قالها رسول الله صلي الله عليه وسلم ؟
ثانيا : قال تعالي "الرجال قوامون علي النساء " يا اختي دي مش كلمه دي آيه قرآنيه
والكلام والتفسير مش بيتحور ده القرآن الكريم والاحاديث النبويه هي اللي بتقول كده
اذا النساء ناقصات عقل ودين والرجال قوامون علي النساء في اشياء كثيره

احنا مش بنعترض على احاديث رسولنا صلى الله عليه وسلم ولكن كثير من الشباب الجاهل لايحسن استخدامها او لا يدرك معناها الحقيقى والرجال قوامون على النساء اوك مقولناش حاجه بس تبقوا فاهمين معناها الحقيقى وان الرجال قوامن فى ايه بالظبط وتانى بقولها اعتراضها مش على الأحاديث او ايات القرأن الكريم اعتراضها على عدم الفهم (يجب على حضرتك تقرأ الموضوع كويس)

اولا مش احنا الى نغلط فى كلام الرسول صلى الله عليه وسلم والقران الكريم
لاننا والحمد لله عارفينوا كويس ومتربين عليه كويس
ثانيا هى الجمله لما اتقالت بصى الكومنت مكتوب ازاى من كاتبه كاتب ربنا يهديهم ناقصات عقل ودين وطبعا كلنا عارفين معنى الجمله دى فى معناها الصحيح وليس المفهوم العام
ثانيا حينما قال الله تعالى بس الله اللرحمن الرحيم الرجال قوامون على النساء
كان فى ايضا تكريم للمراة لان فى اعمال لا تستطيع المراة عليها
وبعدين احنا بنسيب كل حاجة ف القران وعن تكريم القران الكريم للمراة

صحيح كلامك ياسومة ربنا عادل بين الطرفين
لكن ايلى عايز يفهم غير كده هو حر بئى
ومش معنى كده ان احنا هنعمل هنا جبهه لنصره المرأه لالالالالالالالا
ده كلام فاضى لأننا بناخد حقوقنا كويس اوووووووووووووى
من صغرنا حتى على حساب اخوتنا الأولاد وذى مبيدونا حقنا بيعلمونا ويربونا كويس على القرأن والسنه
واحترام الأخرين وعدم التجاوز فى الحوار حتى ولو بدون قصد

لا طبعا يا منى مش هنعمل حزب لمناصرة حقوق المراة ولا حاجة واحنا اصلا لما بنتكلم بنقول ان الراجل راجل والست مهما كانت دى ست وكل واحد ليها حقوق وواجبات وهقولك مثال بسيط لو تفتكريه لما بنركب القطر بتاع 3 دا ومش بنلاقى مكان وبنقول الاولاد كلها قاعدة واحنا واقفين فاكرة قولنا ايه مش بنطالب بالمساواة والمراة خدت حقوقها يبقى اشمعنا فى الموقف دا عايزين الاولاد تقف واحنا نقعد لكن فعلا ربنا كان عادل لما عمل فرق ودا الى عارفينو كويس ولا يمكن نختلف عليه طبعا ويبقى الرجل رجل والمراة مراة
وخلاص وزى ما بنقول ومتفقين ان مش كل البنات زى الى مكتوب ف الموضوع واظن كل واحد معاه اخت او ام وكاتب الموضوع نفسوا اكيد فاهم كدة وعارف ان لكل قاعدة شواذ ،زى ما فى بنات غير محترمين ومسوئين صورة البنات فى اولاد لا يليق ان يطلق عليها كلمة راجل خالص وبنكون احنا ارجل منهم
هقول تانى احنا مش بنعمم

هههههههههههههههههههههههههههه صحيح مثال القطر ده زى مقولتى كلامك صحيح لكل قاعده شواذ وهنعمل ايه بئى السيئه بتعم والحسنه بتخص

يا اخت اسماء ويا اخت مني اسمحولي
اولا انا مش بتكلم علي الموضوع اصلا
ثانيا بقول ان هي مينفعش تقول انا بتغاظ من استغلال الجملة بتاعة
ناقصات عقل ودين اللي بتستخدم في غير مكانها فقط
يا ريت تكون رسالتي وصلت

حضرتك بتقول حاجه وكومنتك حاجه تانيه خالص
اولا هى يعنى غلطيت وقالت جمله كانت مفروض تقول حديث
هوده الغلط طيب الحديث عباره عن ايه؟؟؟؟؟؟؟؟؟؟؟
احنا كده الشعب المصرى نسيب كل المساوئ ونمسك فى...........
ماعلينا بس تعبير حضرتك خانك

وبعدين احنا اتكلمنا الاول وقولنا ان مش احنا الى هنغلط فى حديث او ايه قرانية لاننا متربين عليهم وعرفينهم كويس
وبعدين اتكلمنا عن المراة والرجل ارجع للتعليقاتنا كلها مش اخر اتنين بس

اولا: مفيش حد معصوم من الخطأ شيخ الازهر اخطأ ومفتي الجمهريه اخطأ
ولاكن اعترفو با اخطائهم
ثانيا : الحديث وشرح الحديث
دائما نسمع أحبتى من كثير من العوام عندما تطلب منهم رئى أو مشورة المرأة أو بدر منها تصرف خاطئ تجد يردد هذة الحديث الذى ورد عن الحبيب المصطفى علية السلام: النساء ناقصات عقل ودين
معنى حديث رسول الله صلى الله عليه وسلم : ما رأيت من ناقصات عقل ودين أغلب للب الرجل الحازم من إحداكن فقيل يا رسول الله ما نقصان عقلها ؟ قال أليست شهادة المرأتين بشهادة رجل ؟ قيل يا رسول الله ما نقصان دينها ؟ قال أليست إذا حاضت لم تصل ولم تصم ؟ بين عليه الصلاة والسلام أن نقصان عقلها من جهة ضعف حفظها وأن شهادتها تجبر بشهادة امرأة أخرى ؛ وذلك لضبط الشهادة بسبب أنها قد تنسى فتزيد في الشهادة أو تنقصها كما قال سبحانه : ((( وَاسْتَشْهِدُوا شَهِيدَيْنِ مِنْ رِجَالِكُمْ فَإِنْ لَمْ يَكُونَا رَجُلَيْنِ فَرَجُلٌ وَامْرَأَتَانِ مِمَّنْ تَرْضَوْنَ مِنَ الشُّهَدَاءِ أَنْ تَضِلَّ إِحْدَاهُمَا فَتُذَكِّرَ إِحْدَاهُمَا الْأُخْرَى ))) الآية ، وأما نقصان دينها ؛ فلأنها في حال الحيض والنفاس تدع الصلاة وتدع الصوم ولا تقضي الصلاة ، فهذا من نقصان الدين ، ولكن هذا النقص ليست مؤاخذة عليه ، وإنما هو نقص حاصل بشرع الله عز وجل ، هو الذي شرعه عز وجل رفقا بها وتيسيرا عليها لأنها إذا صامت مع وجود الحيض والنفاس يضرها ذلك ، فمن رحمة الله شرع لها ترك الصيام وقت الحيض والنفاس والقضاء بعد ذلك .
وأما الصلاة فإنها حال الحيض قد وجد منها ما يمنع الطهارة ، فمن رحمة الله جل وعلا أن يشرع لها ترك الصلاة ، وهكذا في النفاس ، ثم شرع لها أنها لا تقضي ؛ لأن في القضاء مشقة كبيرة . لأن الصلاة تتكرر في اليوم والليلة خمس مرات ، والحيض قد تكثر أيامه ، فتبلغ سبعة أيام أو ثمانية أيام أو أكثر ، والنفاس قد يبلغ أربعين يوما فكان من رحمة الله لها وإحسانه إليها أن أسقط عنها الصلاة أداء وقضاء ، ولا يلزم من هذا أن يكون نقص عقلها في كل شيء ونقص دينها في كل شيء ، وإنما بين الرسول صلى الله عليه وسلم أن نقص عقلها من جهة ما قد يحصل من عدم الضبط للشهادة ، ونقص دينها من جهة ما يحصل لها من ترك الصلاة والصوم في حال الحيض والنفاس ، ولا يلزم من هذا أن تكون أيضا دون الرجل في كل شيء وأن الرجل أفضل منها في كل شيء ، نعم جنس الرجال أفضل من جنس النساء في الجملة لأسباب كثيرة ، كما قال الله سبحانه وتعالى : ((( الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنْفَقُوا مِنْ أَمْوَالِهِمْ ))) لكن قد تفوقه في بعض الأحيان في أشياء كثيرة ، فكم لله من امرأة فوق كثير من الرجال في عقلها ودينها وضبطها ، وإنما ورد عن النبي صلى الله عليه وسلم أن جنس النساء دون جنس الرجال في العقل وفي الدين من هاتين الحيثيتين اللتين بينهما النبي صلى الله عليه وسلم .
وقد تكثر منها الأعمال الصالحات فتربو على كثير من الرجال في عملها الصالح وفي تقواها لله عز وجل وفي منزلتها في الآخرة ، وقد تكون لها عناية في بعض الأمور فتضبط ضبطا كثيرا أكثر من ضبط بعض الرجال في كثير من المسائل التي تعنى بها وتجتهد في حفظها وضبطها ، فتكون مرجعا في التاريخ الإسلامي وفي أمور كثيرة ، وهذا واضح لمن تأمل أحوال النساء في عهد النبي صلى الله عليه وسلم وبعد ذلك ، وبهذا يعلم أن هذا النقص لا يمنع من الاعتماد عليها في الرواية وهكذا في الشهادة إذ انجبرت بامرأة أخرى ، ولا يمنع أيضا تقواها لله وكونها من خيرة عباد الله ومن خيرة إماء الله إذا استقامت في دينها وإن سقط عنها الصوم في الحيض والنفاس أداء لا قضاء ، وإن سقطت عنها الصلاة أداء وقضاء ، فإن هذا لا يلزم منه نقصها في كل شيء من جهة تقواها لله ، ومن جهة قيامها بأمره ، ومن جهة ضبطها لما تعتني به من الأمور ، فهو نقص خاص في العقل والدين كما بينه النبي صلى الله عليه وسلم ، فلا ينبغي للمؤمن أن يرميها بالنقص في كل شيء وضعف الدين في كل شيء ، وإنما هو ضعف خاص بدينها ، وضعف في عقلها فيما يتعلق بضبط الشهادة ونحو ذلك ، فينبغي إيضاحها وحمل كلام النبي صلى الله عليه وسلم على خير المحامل وأحسنها ، والله تعالى أعلم .

هو حضرتك ليه مصمم اننا منعرفش المعلومات الدينية دى
والله نعرفها كويس جداااااااااااااااااااااااااااااااا
وبقول اننا مش هنغلط فى معلومات ديننة بسيطة لاننا ببساطة متربين عليها وحافظنها عن ظهر قلب

انا مش مصمم ولا حاجه
بس الاخت مني قالت الحديث عباره عن ايه؟
فانا بوضحه مش اكتر

لا اله الا الله مهو هوده قصد رحاب من الأول اخر سطر فى كلامك ده ايلى عى تقصدوا اننا مندخلش كلام فى مواقف مش مناسبه ليه

حضرتك مشكور بس انا اقصد اقول ان الحديث عباره عن كلمات وجمل فرحاب مغلطيتش لما قالت ليه بندخل الجمل دى فى اماكنمش مناسبه ليها لكن حضرتك برضوا مشكور

وكفايه خلاص بئى ياسمسموم الموضوع اخد اكثر من حجمه ومدام وضحنا وجهه نظرنا يبقى بئى خلاص

اوك خلاص انا كنت بوضح وجهة نظرنا مش اكتر

طيب ليه مقولتيش كده من الاول
وعلي العموم سوري اذا كنت عطلتكم ولا حاجه

الله الله الله فى ايه يا جماعه ايه الدنيا المقلوبه دى
اولا انا فعلا خانى التعبير لانى ماكنتش متذكره بالظبط فخفت اكتب حاجه فى غير موضعها
ثانيا مش معنى ده انى بقلل من القرآن او الحديث لانى عارفه دينى كويس اوى والله وما يعبنيش انى اغلط او انسى حاجه
ثالثا تفسير الحديث والآيه بيؤكد معنى اللى انا بقوله بالظبط
رابعا انتى عارفه يامنى انتى وسومه انى مش بحب حرقة الدم وانى بحب اتجنب الحاجات اللى بتحرق دمى عشان كده والله انا شكلى همشى احسن

ايه ياهبله ده تمشى ايه وليه وعلشان ايه بطلى عبط هه وبعدين طالما احنا عارفين نفسنا كويس واحبنا كمان عارفينا ايلى يقول يقول وبعدين انتى ايه ايلى مصحيكى لدلوقتى ياحوبه ياجبيبتى قوليلى

تقريبا قلبى صحانى عشان اشوف التقطيع اللى انا بتقطعه ده

قلبك بس هه هههههههههههه
محدش يقدر يقطع فيكى ياحوبه معاش ولا كان ده اسمه كلام
امال انا لزمتى ايه بقى

سوري يا اخت رحاب جات فيكي
والموضوع ده ميزعلش مجرد مناقشه مش اكتر
ومفيش حد معصوم من الخطأ وزي ما قولتي
ان الخطأ او النسيان ميعيبكيش
مفتي الجمهوريه اخطأ حينما قال ان اللي ماتو
في حادث الاسكندريه شهداء ورجع بعد كده اعتزر

بصى يا حوبة اولا دا نقاش ومن حق اى حد يتكلم ومن حقنا نوضح وجهة نظرنا والحمد لله وصلت
وبعدين احنا هنا بنقدر نوضح وجهة نظرنا امال فى مواقف تانى لما بنتفهم غلط ومش بنقدر نوضح وجهة نظرنا يبقى ايه
وبعدين كبرى دماغك شوية بس مش كتير علشان تعرفى تقلعى التيشرت هههههههههههه
بصى شوفتى بقى انا بحب المقولة دى ليه(من لا يعرف شخصيتى لا يحق له الحكم على تصرفاتى ومن لا يستطيع ان يقدرنى لا يتوقع منى اى تقدير )
وشكرا كانت معكم اسمة رسلان من امام احدى شاشات الكمبيوتر

عسل ياخواتى شيرباااااااات طبعا
شوفى كام سنه مع بعض اكيد لازم تشربى مني خفه الدم
ههههههههههههههههههههههههههههه

هههههههههههههههههههههه
احتمال مين عارف ادعيلنا بس انت
بقى سايب كل الكلام الى كان فوق دا وماسك فى المذيعة سبحان الله
يمهل ولا يهمل

اشكوا اليك اشكوا اليك