Public Relations

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا فهذا بيتك الثانى
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
Public Relations

شبــــاب العلاقات العــــــامة .....يلا نفيـــد و نستفــــيد


    شباب الثورة

    شاطر
    avatar
    islam luxor

    عدد المساهمات : 186
    تاريخ التسجيل : 25/11/2010
    العمر : 27

    شباب الثورة

    مُساهمة من طرف islam luxor في الجمعة فبراير 04, 2011 5:25 pm

    الشعب مش مليون واحد .......
    .............. دول ميت مليون
    قاعِد في بيتـُه وبيشاهَد .........
    .............. ثوره ومفتـُــــون
    فجأه ابتدا لصوص تِتـْواجـِد .....
    ............... بسلاح مسنــون
    فوق راس مُواطِن كان راقِد ....
    ............... لكنْ مشحــــون
    ضـَرَبوه بعُصيانهُم جامِد .......
    ............... وخدوا القرشين
    ـــــــــــــ
    مليون وقاعِد في التحرير ......
    ................. عَنـْدُه مَطالِب
    أبْرز مَطالبُه يكون تغيير .......
    .................. وُزَرَا تعالِب
    ومواد ظالمه في الدستور ......
    .................. ليها مَخـَالِب
    قام الرئيس بعد التفكير ........
    ................. فجأه وخاطِب
    حقـَق مَطالبه بدون تقصير .....
    ................. وبقلب حزين
    ــــــــــــــ
    لكنْ دخـَل ع المليون شاب ......
    ................. احزاب تانيين
    إللي دخل من عُقب الباب .......
    ................ واللي من العين
    قالوا على الريس كدَّاب .........
    ................ وهيخدع مين !
    خلـُّوا الشباب قاعد مرتاب........
    ................... ليكون تلوين
    ساب رأيُه لشيوخ الأحزاب .......
    ................... قامُم رافضين
    ـــــــــــــــ
    رفض المشايخ تتـْحاور ...........
    .................... وبكـُل غرور
    وبدِت تزايِّد وتنــــــاور ...........
    ..................... زي الدبُــور
    وتهيِّج الشاب الثايِّــــــر ...........
    ................ أكتر م الطـُــــور
    خلـُّوا الميدان بركان حايِّر .........
    ................... قرَّب هيفـُــــور
    بقرار بيرفـُض ومغايِّــــر .........
    .................. للي موافقيــــــن
    ـــــــــــــــ
    وبقيِّة التسعــه وتسعيـــــن .........
    ................. في البيت قاعدين
    سمعوا الخطاب زي التانيين .......
    ..................... لكنْ باكييــن
    شايفين شيوخ أحزاب ناسيين .......
    ...................... كل الملايين
    لا عندُهم زمَّــــه ولا ديـِـن .........
    ...................... ولا مِعتدلين
    خلوا أ ُسَر في البيت خايفين ........
    ................ من ناس مجانيـــن
    ــــــــــــــ
    لِقـْيوا ان مليون في الميدان .........
    .................... سَرَقوُا لسانهُـم
    ومصممين على رفض بيــان ........
    ................... طالب منـْهُــــــم
    يتحاوروا والوقت من الآن ..........
    .................... مفتـوح بينهُــــم
    لكنهم رفضوا الإزعــــان ...........
    ....................... من تخوينهُم
    خلوا البيوت آخِر هَيَجَـــان ..........
    ....................... ع المُحْتجِّين
    ـــــــــــــــ
    يا شيوخ بلاش شـُغـْل استِغلال .......
    .................... عقل ولادنــــــا
    حال البلــد في أسوأ حــال ...........
    ..................... والخوف سادنا
    أسبوع على نفس المَـــوَّال ...........
    ...................... ليه ياسيادنــا
    نفس الكلام اللي بينقال ..............
    .................... ويهدِّدنـــــــــــا
    أنا نفسي أسأل بس سؤال ............
    ...................... سايقينا لفين ؟
    ــــــــــــــــــ
    ليه تركبوا فوق الموجه .............
    ..................... عاوزين سُلـْطه
    وتقولوا شعارات ممجوجه ...........
    .................... لشباب ساخطـــه
    ليه استغلـِّيتوا الهوُجه ...............
    ...................... علشان خبطه
    عاوزين بسكينه وشوكه ..............
    .................. تاكلوا التورتــــــه
    من إيد ولادنا المربوكه ..............
    ..................... وانتـُم عارفين
    ـــــــــــــــ
    يا شيوخ معارضه وبتتاجر ...........
    ....................... بمصاير ناس
    سيبوا شباب هب وخاطِر .............
    ...................... واتهان وانداس
    طالع لوحدُه بيتظاهِر .................
    ....................... ويدُّق اجراس
    تيجي المُعارضه وتتآمِر ..............
    ...................... بالكام قـُرطاس
    وعشان مصالحها تخاطِر .............
    ......................... بالمصريين
    ـــــــــــــ
    يا مُعارضه كانت في المجلِس ........
    ....................... زي الأموات
    الدنيا كانت تتكربـِس .................
    ....................... وانتي بالذات
    لا حد فيكي بيتنفِس ..................
    ....................... بالاعتراضات
    ولا حد حاول يتمجلِس ...............
    ..................... ويدير حوارات
    جايه النهارده بتتمحلِس ...............
    ....................... لشباب ثايرين
    ـــــــــــــــــ
    سيبـي الشباب يثبت ذاتـــُـه
    يبــدأ بأول خطواتــُــــــــــه
    خلـِّـيــــه يعلـِّم بصماتــُـــــه
    ويعوَّض اللي ف يوم فاتـُـه
    وفضِل يعاني عشانـُه سنين
    avatar
    ali fathallah

    عدد المساهمات : 297
    تاريخ التسجيل : 20/12/2010
    العمر : 28
    الموقع : الاقصر

    رد: شباب الثورة

    مُساهمة من طرف ali fathallah في الجمعة فبراير 04, 2011 11:43 pm

    الله الله الله عليك يا سمسم اه الجمال ده يابني احمد شوقي بيتكلم
    تسلم ايدك يا حبيبي
    avatar
    بحر الاحزان

    عدد المساهمات : 853
    تاريخ التسجيل : 26/11/2010
    الموقع : http://www.t-l7l.com/vb/

    رد: شباب الثورة

    مُساهمة من طرف بحر الاحزان في السبت فبراير 05, 2011 12:43 pm

    اصبحت شاعر يا اسلام واحنا ما نعرفش ولا ايه هههههه

    جميل بجد تسلم ايدك
    avatar
    islam luxor

    عدد المساهمات : 186
    تاريخ التسجيل : 25/11/2010
    العمر : 27

    رد: شباب الثورة

    مُساهمة من طرف islam luxor في السبت فبراير 05, 2011 6:12 pm

    ههههههههه
    اي خدمة يا بحر انت وعلي
    ومرسي علي مروركم الجميل

      الوقت/التاريخ الآن هو الثلاثاء نوفمبر 13, 2018 12:25 am