هو ليه كده؟

ليه مافيش حد طايق حد؟!
ليه مش عارفين نسمع بعض؟!
ليه مش عايزين نسمع بعض؟!
ليه مابنعترفش بغلطنا قصاد بعض؟!
ليه كل واحد بيرمى الغلط على التانى؟!
ليه العصبية بقت منهاجنا فى الحياة؟!
ليه الثقة اتلغت من قاموس حياتنا؟!
ليه كل واحد همه حياته وبس؟!
ليه كل واحد فكره مشغول بنفسه وبس؟!
ليه....ليه...ليه.....ليه...ليه...ليه.....ليه...... .؟!


ليه حياتنا بقت كده !!
انا مش عارفة !!
الغلط فى مين ؟!!!
حبيت اتناقش معاكوا شوية فى حياتنا اللى بقت كده والاقى منكم جواب على اسالتى اللى مالهاش نهاية
ياترى انتم كمان شايفين الدنيا زىى ؟!!
ياترى الدنيا كلها كده فى عيون الناس كلها؟!!!

وليه انت كاتب موضوع زى كده
بس الصراحه مش عارف هه دنيا

انا بعترض على حاجة يا بحر ف كلامك يعنى لو اصدقاء ازاى هتشك فيهم اصلا
واتفقد الثقة فيهم طيب انا هقولك منى ضاع الموبايل بتاعها وقبل ما ندخل اللجنة ومكانش حد مكوجود غيرنا
يبقى كان ممكن تفقد الثقة فينا لا طبعا
اما من ناحية الحياة فاساسا هى كدة وربنا خلقنا كدة ععلشان يكون فى متاعب ومقاسى وربنا بيشوف مين بيقدر على الاختبارات ومين بيياس مين بيعدى المحن ومين بيقول اييييييييييه دنيا غرورة
اما كل واحد مشغول بنفسه فدا لان المادية هى الى بقت بتحكمنا يعنى الاسعار زادت وكل حاجة زادت فالبتالى الانسان بينشغل فى تكوين نفسه ،بس لو ادى من وقته عشر دقايق يطمن على اهله محدش هيخسر حاجة
اما مش عارفين نسمع لبعض لاننا بقينا فى عصر السرعة وعصر كل واحد عايز يخلى رايه هو الى يمشى
ومع ان ممكن اتنين يكونوا بيتناقشوا وبيقولوا نفس الكلام بس لانهم مش سامعين بعض مش عارفين انهم بيتكلموا نفس الكلام بس بطريقة تانى
وكل واحد بيرمى الغلط عالتانى علشان مش عايز يغلط نفسوا ويطلع هو الى غلطان قدام الناس
فى النهاية هى دى الدنيا انك تشتغل وتنسى نفسك وترجع مهلوك ومتقدرش تعمل حاجة ولا تطمن على اهلك ،هى كدة الناس بقت كل واحد يفكر ف نفسه علشان يقدر يتعايش مع الحياة وظروفها وتقدم الحياه الاقتصادية واللحاق بتطورات التكونولوجيا كل دا
بس زى ما فى كدة فى حاجات تانى
فى صاحب جدع ليك بتلاقى بيمدلك ايده لما تقع ،فى اخت حلوة بتقولك مالك لما تلاقيك زعلان ،فى مامتك الى مفيش احن منها عليك ،فى والدك الى مهما عملت بيحاول يحافظ عليك ويوفرك كل الى تحتاجه ،
يعنى الحياة مش كلها اسود والى يشوفها سوده هتبقى سودة فى وشه ،وعلى راى سعاد حسنى الحياه بقى لونها بمبى

والله انا مش شايفه الدنيا كده خالص معرف ليه يمكن زى مقالت سومة فى اخر سطرين ان فى ايلى بيشيل عنى ويساندنى ويدعمنى
بالنسبه لموضوع موبايلك يابحر صحبك ده ممكن يكون مريض اومحتاج فلوس
بالنسبه للثقه انا لما موبايلى راح تصدقوا دماغى مراحتش لصحابى ابدا ولا عمرى فكرت فى حاجه زى دى ومش حسمح لأن دماغى اساسا تفكر (ومتقلبوش على المواجع بئى)

بالظبط كده وصلت

مش ذنبى والله بس عبال مخلصت خناق مع سواق التاكسى هههههههه
عموما شكرا